|| تـحـلـيـل || نـجـ 1ــران Vs الـنـصـ 0 ــر || [ دوري الـمـحـتـرفـيـن الـسـعـودي ]

|| بطاقة المباراة ||






الفريقان : نجران Vs النصـر

المناسبة : دوري المحترفين السعودي ( مقدمة من الجولة الحاديه عشر)

اليوم : الثلاثاء

التاريخ : 4/ 11 / 2008 م

الوقت : 7,45 مساءً بتوقيت مكة المكرمة

القنوات الناقلة : ART سبورت 8

ملعب اللقاء : ملعب نادي الأخدود بنجران

معلق المباراة : عيسى الحربين







|| تشكيلة النصر ||




كميل الوباري

( أحمد الحضرمي ) عبده برناوي .. إيديـر .. حمد الصقـور .. إبراهيم شراحيلي ( رزاق )

عبدالله الواكد .. يوسف الموينع

( عواد العتيبي ) أحمد المبارك .. عبدالله حمـآآد

سعـد الحـآآرثي ..ريـآآن بـلآل






|| تشكيلة نجران ||

جابر العامري

فهد عداوي .. مهدي جمهور .. ظافر مرزوق .. ناصر حديب

علي التركي .. عبدالعزيز آل حمسل

عبدالفتاح صافي .. عبدالله حيدر

الحسن اليامي .. ويلسون أنطونيو





|| الشوط الأول ||


بدأت المباراة بجس نبض بين الفريقين مع إستحواذ للكرة من فريق نجران وسط ضياع للوسط النصراوي الذي ظهر مشتتاً ومن كرة خاطئة من الدفاع النجراني إستغلها اللاعب سعد الحارثي وتوغل بها داخل منطقة الجزاء ولكن الحارس جابر العامري إستطاع التصدي لكرة الحارثي وبعد هذه الكرة إستطاع الوسط النصراوي مجاراة الفريق النجراني وفي منتصف الشوط الأول توغل اللاعب أحمد المبارك بكرة داخل منطقة الجزاء وتمت إعاقته من مدافع نجران ولكن حكم المباراة أمر بإستمرار اللعب في قرار غريب وفي الدقيقة السابعة والثلاثين تحصل اللاعب عبدالفتاح صافي كرة على قوس منطقة الجزاء النصراوية وسددها في المرمى النصراوي كهدف لفريق نجران وقد شهد نهاية الشوط الأول عملية ضرب من اللاعب عبدالفتاح صافي للاعب إبراهيم شراحيلي ولم يتحصل عبدالفتاح صافي على أي كرت ..!





|| الشوط الثاني ||





بدأ هذا الشوط بضغط نصراوي بغية إحراز هدف التعادل وقد تهيأت فرصة للاعب سعد الحارثي ولكنهُ أضاعها بشكلٍ غريب وتهيأت بعدها كرة للاعب حمد الصقور ولكنه لم يستطع التعامل معها جيداً وفي منتصف الشوط الثاني هدأ اللعب قليلاً وسط إعتماد فريق نجران على الهجمات المرتدة والتي شكلت على المرمى النصراوي خطورة خصوصاً تسديدة اللاعب عبدالله حيدر التي تصدى لها الحارس النصراوي كميل الوباري ورد عليه اللاعب النصراوي عبدالله الواكد بتسديدة على الطاير تصدى لها حارس نجران جابر العامري بشكلٍ رائع وقبل نهاية المباراة كاد المدافع النصراوي ايدير أن يحرز هدف التعادل ولكن رأسيته إعتلت القائم وبعد ذلك كرة عرضية رائعة من اللاعب أحمد الحضرمي حاول اللاعب سعد الحارثي تسديدها بالكعب ليضيع آخر فرصة نصراوية ويعلن بعدها الحكم عن نهاية المباراة .







|| الاستديوا التحليلي ||






الحمدلله على كل حال خسرنا وهذا شي كنت متوقعه وتمنيت التعادل
خصم مثل نجران وعلى ارضه صعب تطمح بالفوز..قلتها في نفسي اليوم قبل المباراة
ان فزنا فهذا شي كبير وان تعادلنا بعد شي حلو لكن الخساره متقبلها لكن مو هالشكل والمضمون
المباراة بداءة بتخبط غريب بالوسط النصراوي يعني شوط كامل مافيه غير فرصة الحارثي اللي اضاعها
والبنلتي اللي ما حسبه حكم الغفله..غيرها مافيه شي يذكر سواء عك في وسط النصر وافضليه تحسب
للواكد والموينع..وسوء من المبارك اللي يثبت كل يوم ان الاداء اللي قدمه قبل فتره كان عبارة عن شحن
موسم كامل وبعدها رجع واشتاق لـ اداءه السي..هدف نجران يتحمل مسؤلية المحاور بشكل كبير وبشكل اقل
الوباري الكوره ما كانت صعبه حتى ان الوباري كان قريب منها لكن ردة فعله كانت بطيه وتسجل الهدف..!!
بعدها دخلنا للشوط الثاني نفس الموال لكن بضغط اكثر من النصر بعد ربع ساعة انفراد تام ومريح للحارثي
ويضيعها بشكل فضيع ومريع لو ان اصغر اخواني لسجلها لكن وش نقول الذابح لا زال يذبح جمهوره..
بعدها بدقايق يضيع ريان فرصه محققه وشبيه لفرصة الذابح لكن ابت الاهداف ان تأتي وحسيت بعد فرصة ريان
ان النصر مستحيل يسجل لو يلعبون لبكره صعب التسجيل..بعد فرصة ريان أتت تسديدة الواكد الصعبه لكن حارس
نجران تصدى لها بكل بساله..بالعربي يا جمهور العالمي مستحيل تسجلون..عن نفسي بردة خلاص وتأكدت من الخساره
ثم دخل رزاق اخر خمس وعشرين دقيقه وياليته ما دخل اوفر واحد ما يعرف ابجديات الكوره لا يفقهها
بصراحة غريب لعبه تحس انه ما قد لعب من قبل لعب عادي جدآ واقرب فرصة انتقالات يبدلونه بوسط..!!
شفنا وسطنا اليوم بدون الليتون كيف ولاشي اتمنى ما يتكرر هالشي علشان لو غاب ايلتون عند وسط ثاني
انتهت المباراة على ماهي عليه..!!
واقرب عنوان للمباراة..النصر هزم نفسه بنفسه..ولا الاداء كان حلو بس ناقصه التسجيل..!!

.. .. .. .. .. ...

الوباري..جيد الي جيد جدآ
الصقور..عادي ويقدم اللي عليه
ايدر..بطل واحسن لاعب لكن لا يضرب بالراس
شراحيلي..مو لعبك اللي خابرك فيه ابد متغير مستواك صاير نكبه
برناوي..ليس الافضل لكن مافيه احد بمحله ازين منه نقول افضل السيئين
الموينع..دايم في التوب والافضل الله يحفظك..!!
الواكد..جيد لكن بطي وردة فعله ابطى..!!
المبارك..اح اح ضغطي يشتكي منك استح شوي خلاص..متى تعدل لعبك..!!
حماد..شي ايجابي فيه عجزت القى ابي اشوف رفعة تستاهل مالقيت بذمتكم يستاهل 4 مليون..!!
ريان..مختفي تمامآ اليوم ماله اي وجود لا باللعب ولا بالفرص عدى واحده وضيعها بكل برود..
الحارثي..ان ضد الكل الحارثي لعب وتحرك لكن العتب بنهاية الفرصه وانا معهم بالشي هذا..!!
البدلاء..رزاق لا اضافه تذكر بالعكس عطل اللعب كثير وشوه المباراة..
عواد...بطل ودايم يعجبني اذا دخل بديل..!!
ما اذكر ان فيه تبديل ثلاث..يمكن ناسي..




|| هــدف اللقـاء ||



عبد الفتاح سافي

حفظ باسم

الحجم 600 ك ب




* من تسجيل استديوا الشبكة بمنتدى النصر الرسمي



|| موقف الفريقين في جدول الدوري ||

3- النصر ( النقاط / 17 )
[ لعب ( 9 ) - فاز ( 5 ) - خسر ( 2 ) - تعادل ( 2 ) - له ( 13 ) - عليه ( 9 ) ]

8- نجران ( النقاط / 10 )
[ لعب (8 ) - فاز ( 2 ) - خسر ( 4 ) - تعادل ( 2 ) - له ( 10 ) - عليه ( 16 ) ]







مبروك للفريق النجراني , وهاردلك للفريق النصراوي
نتمنى للفريقين التوفيق في قادم المباريات
تقبلوا من فريق العمل برابطة النصر , أجمل وأعطر وأرق التحايا